სალომე ზურაბიშვილს ზუგდიდში მოძრაობა „შეცვალეს“ წევრები აქციით დახვდნენ. აქტივისტებმა ზურაბიშვილი სამხარეო ადმინისტრაციის შენობაში სტვენით და შეძახილებით შეაცილეს. „მონა“- იძახდნენ აქციის მონაწილეები და ცდილობდნენ პრასი, ლობიო, კარტოფილი და ხახვი გადაეცათ მისთვის, თუმცა, ამის საშუალება მათ სამართალდამცავებმა არ მისცეს. მათ ასევე ხელში ეჭირათ პლაკატები წარწერებით: “ბიძინას მონა”, “ია კერზაია შენ მოკალი, შენ ხარ მკვლელი”, „ომი საქართველოს არ დაუწყია“.
საქართველოს პრეზიდენტი სალომე ზურაბიშვილი სამეგრელო-ზემო სვანეთის რეგიონის ხელმძღვანელებს შეხვდა. შეხვედრა მედიისთვის დახურული იყო. შეხვედრის დასრულების შემდეგ ზურაბიშვილმა ჟურნალისტებთან კომენტარი გააკეთა და განაცხადა, რომ კორონავირუსის პრევეციულ ღონისძებებთან დაკავშირებით დეტალური ინფორმაცია მოისმინა.სალომე ზურაბიშვილმა ჟურნალისტების კითხვაზე შიწყალებდა თუ არა პოლიტპატიმრებს, უპასუხა, რომ არ არსებობს, ამ ქვეყანაში ცალკე ადამიანები, რომლებზეც ვრცელდება ცალკე რეგულაციები.
შეგახსენებთ, რომ ხელისუფლებასა და ოპოზიციას შორის მიღწეული შეთანხმების საფუზველზე, ოპოზიციის ინფორმაციით, გათავისუფლდება გიგი უგულავა, ასევე შეთანხმებაში საუბარია ირაკლი ოქრუაშვილზე, გიორგი რურუასა და ბესიკ თამლიანზე.