მოძრაობა “შეცვალეს” წევრები ამ წუთებში სამეგრელო-ზემო სვანეთის გუბერნიის შენობასთან იმყოფებიან. ისინი აპროტესტებენ საქართველოს პრეზიდენტის ვიზიტს სამეგრელოში. აქციის მონაწილეებმა სიმბოლურად ხახვი, პრასი, ლობიო და კარტოფილი მიიტანეს შენობასთან. მათ ხელში უჭირავთ პლაკატები წარწერებით: “ბიძინას მონა”, “ია კერზაია შენ მოკალი, შენ ხარ მკვლელი”
ადმინიისტრაციის შენობაში, სადაც წუთი-წუთზე ელოდებიან პრეზიდენტს, მობილიზებულია პოლიცია. აქციის მონაწილეებსა და პოლიციას შორის სიტყვიერ დაპირისპირებასაც ქონდა ადგილი, სამართალდამცავებმა “შეცვალეს” წევრებს შესასლელთან დგომის უფლება არ მისცეს.
“თუ ასეთი მაგარი პრეზიდეტია და თუ ბიძინას მონა არაა, წამოვიდეს ენგურის ხიდზე და იქ თქვას, რომ რუსეთი ოკუპანტია”- აცხადებენ აქციის მონაწილეები. ისინი სტვენით დახვდნენ ცოტა ხნის წინ პრეზიდენტის შესახვედრად მისულ მერს გეგა შენგელიას.