24 წლის ზუგდიდელი ნემო ჯალაღონია ამ სახელოსნოში ყოველდღე რამდენიმე საათს ატარებს. მუშაობს მხოლოდ ნატურალურ ხეზე. ძირითადად ლოგოებს ამზადებს.
პირველი ხელთნაკეთი ნივთი მუსიკალური ინსტრუმენტი იყო, რომელიც 13-წლის ასაკში შექმნა. მამა პროფესიით ინჟინერია და ეს საქმეც მისგან ისწავლა.
20-წლისამ გადაწყვიტა ოჯახურ ბიზნესში ჩართულიყო და ხეზე დამოუკიდებლად ემუშავა.გარდა იმისა,რომ ეს მისი ჰობია შემოსავლის ერთ-ერთ წყაროდაც აქცია. ამზადებს სხვადასხვა აქსესუარებსა და სამკაულებს.
საჭირო დანადგარების შეძენა „აწარმოე საქართველოსა“ და იუსეიდის პროექტის ფარგლებში შეძლო და ამით სამუშაო პროცესი გაიმარტივა. საქმიანობის წარმატებით განხორციელებაში ტექნო-პარკის სამუშაო სივრცე ეხმარება.
პროდუქციას ძირითადად შეკვეთებით ადგილობრივ ბაზარზე ყიდის. ამბობს,რომ მისი ნამუშევრები განსხვავებული და ორიგინალური უნდა იყოს, რადგან გემოვნებიანი მომხმარებელი დააკმაყოფილოს.
ხელოვნებას მის ცხოვრებაში განსაკუთრებული ადგილი უჭირავს