ზუგდიდის იუსტიციის სახლიდან 4 თანამშრომელი გაათავისუფლეს. როგორც ირკვევა, გათავისუფლების მიზეზი გასაუბრების ოქმის მიხედვით, არადამაკმაყოფილებელი პასუხებია. ერთ-ერთი გათავისუფლებული პირი თამილა ბერაია, რომლის მეუღლეც ნაციონალური მოძრაობის აქტივისტია, აცხადებს, რომ ეს პოლიტიკური ნიშნით დევნაა, რადგან ტესტირებაც წარმატებით გაიარა და გასაუბრებაზე აღნიშნა, რომ უკეთეს შედეგსაც ელოდა, რომ არა მისი ოჯახური მდგომარეობა. 3 შვილის დედას, რომელსაც ერთ-ერთი შვილი ცერემბრალური დამბლის დიაგნოზით ყავს ავად, ხშირად გამოუხატავს უკმაყოფილება იმის გამო, რომ ასეთი კატეგორიის ბავშვებისთვის ზუგდიდში დღის ცენტრი არ არსებობდა. ახლა მისი შვილი სანდრა რულოვსის ინიციატივით, ფონდი სოკოს მიერ დაარსებულ დღის ცენტრში დადის, ფიქრობს, რომ თუ მისი გათავისუფლების ერთ-ერთი მიზეზი ესაა, მაშინ საქმე ძალიან რთულადაა. საქმეს “საერთაშორის გამჭვირვალობა- საქართველო” სწავლობს, იურისტი ვიქტორ კვიტატიანი აცხადებს, რომ საქმეს დეტალურად შეისწავლიან და მხოლოდ ამის შემდეგ შეძლებენ სამართლებრივი შეფასების გაკეთებას.სულ საქართველოს მასშტაბით იუსტიციის სამინისტრომ თბილისსა და რეგიონებში 60 ადამიანი გაათავისუფლა.