ზუგდიდში დღეს კანალიზაციის სამუშაოების შესრულებისას მუშა დაშავდა. არსებული ინფორმაციით, შუახნის მამაკაცი არხში ჩამოშლილი მიწის ნაწილმა მოიყოლა.”ოდიშინიუსის” წყაროს ინფორმაციით, მუშა მსუბუქად დაშავდა და ის საავადმყოფოში არ გადაუყვანიათ. ზუგდიდის რეფერალურ ჰოსპიტალში ტრავმირებული მუშის სამედიცინო დაწესებულებაში შეყვანის შესახებ გავრცელებულ ინფორმაციას უარყოფენ.
შეგახსენებთ, რომ ეს სხვადასხვა სამუშაოებზე მუშის დაშავების პირველი შემთხვევა არ არის. გასული წლის დეკემბერში გამსახურდიას ქუჩაზე გზის სარეკონსტრუქციო სამუშაოებისას მუშას ტრაქტორი დაეჯახა, ხოლო გასული წლის აგვისტოში, ჩიქობავას ქუჩაზე, წყალგაყვანილობის სამუშაოების შესრულების დროს მიწინ ნაშალმა ორი მუშა მოიყოლა.