აზერბაიჯანში რუსეთის მოქალაქეს კორონავირუსული ინფექციის (COVID-19) დიაგნოზი დაუდასტურდა. ამის შესახებ იტყობინება სააგენტო „ინტერფაქსი“.
როგორც ადგილობრივი ხელისუფლება აცხადებს, ეს არის აზერბაიჯანში კორონავირუსით დაავადების პირველი შემთხვევა.
პაციენტი განთავსებულია ინფექციური საავადმყოფოს სპეციალური რეჟიმის ბლოკში. სავარაუდოდ, დაავადებული აზერბაიჯანში ირანიდან ჩავიდა.
ბელარუსის ხელისუფლების ცნობით, ქვეყანაში კორონავირუსის პირველი შემთხვევა დარეგისტრირდა მას შემდეგ, რაც COVID-19 ვირუსი ირანელ სტუდენტს დაუდგინდა. გაირკვა, რომ ირანის მოქალაქე ბელარუსში 22 თებერვალს ჩავიდა. ქვეყნის ჯანდაცვის სამინისტროს ცნობით, პაციენტის მდგომარეობა „დამაკმაყოფილებელია“ და იგი მინსკის ინფექციურ დაავადებათა საავადმყოფოშია მოთავსებული.
ბელარუსის გარდა, კორონავირუსით დაინფიცირების პირველი შემთხვევა დაფიქსირდა ასევე მეზობელ ლიეტუვაში. იქ პოზიტიური შედეგი დაუდგინეს ქალს, რომელიც იტალიის ჩრდილოეთ ქალაქ ვერონაში იმყოფებოდა ერთი კვირის წინ.