ფოთის ჰოსპიტალში მაღალი ტემპერატურით 18 წლის გოგონა მიიყვანეს. პაციენტი საზოგადოებრივი ჯანდაცვის დაავადებათა კონტროლის პროტოკოლების რეკომენდაციით ინფექციურ საავადმყოფოში გადაჰყავთ.
ჰოსპიტალის მენეჯერის, თეა მიგინეიშვილის განცხადებით, გოგონა ბოლო 2 კვირის განმავლობაში იტალიაში იმყოფებოდა.
„შემოიყვანეს პაციენტი, რომელიც ბოლო ორი კვირის განმავლობაში ნამყოფია იტალიაში. მაღალი ტემპერატურა რომ მისცა, მომართა კლინიკას.საზოგადოებრივი ჯანდაცვის დაავადებათა კონტროლის პროტოკოლების რეკომენდაციით, გადაგვყავს თბილისის ინფექციურ საავადმყოფოში შემდგომი გამოკვლევებისთვის“, – განუცხადა ჟურნალისტებს ჰოსპიტალის მენეჯერმა თეა მიგინეიშვილმა.