„კრემლში მიაჩნიათ, რომ ქრონიკული დესტაბილიზაცია ამ რეგიონში ჰეგემონიისთვის უმთავრესია”.
“რუსეთი ინარჩუნებს ბერკეტებს საქართველოზე მისი რეგიონების, აფხაზეთისა და სამხრეთ ოსეთის ოკუპაციის გზით; ასევე ოკუპირებული ტერიტორიების ადმინისტრაციული სასაზღვრო ზოლის შეცვლის მცდელობით, საქართველოს სუვერენულ ტერიტორიაზე ადამიანებისა და საქონლის ტრანზიტში ჩარევის კუთხით და ართულებს საქართველოს ნატო-ს წევრობისკენ მისწრაფებებს”.
“სამხრეთ კავკასიაში, სადაც რუსეთის სამხედრო ძალები საქართველოს რეგიონების: აფხაზეთისა და ე.წ სამხრეთ ოსეთის ოკუპაციას განაგრძობენ, საქართველო აშშ-ის მტკიცე პარტნიორად და გლობალურ უსაფრთხოებაში კონტრიბუტორად რჩება. საქართველო ავღანეთში “NATO-ს მტკიცე მხარდაჭერის მისიის” ყველაზე მსხვილი კონტრიბუტორი NATO-ს არაწევრი ქვეყანაა. საქართველოდან ავღანეთში აშშ-ის ოპერაციის მხარდასაჭერად 870 ჯარისკაცის გაგზავნა ჩვენი სტრატეგიული პარტნიორობის მტკიცე ძალას წარმოაჩენს. ევროპაში აშშ-ის შეიარაღებული ძალების სამეთაურო შტაბი ქართველ სამხედროებს დახმარებას უწევს ამ მისიისთვის მომზადებაში. ჩვენ ვაგრძელებთ საქართველოს სუვერენიტეტისა და ტერიტორიული მთლიანობის მხარდაჭერას “საქართველოს თავდაცვის მზადყოფნის პროგრამის” ფარგლებში ქვეყნის შეიარაღებული ძალების შესაძლებლობების გაუმჯობესების გზით”- ნათქვამია გენერალ ტოდ უოლტერსის მიმართვაში.