რუსეთის სამხედრო ძალები ოკუპირებულ ცხინვალის რეგიონში საბრძოლო წვრთნებს ახორციელებენ. სროლისა და აფეთქების ხმებმა ადგილობრივებში შიში გამოიწვია.
“იმხელა სროლის ხმებია, კედლები ზანზარებენ. კი მოშორებით ვართ მაგრამ, მაინც გვეშინია, ერთი კვირაა ძაან გააქტიურდნენ. დიდები კი შეგუებულები ვართ მაგრამ, პატარებს როგორ უნდა ავუხსნათ?! ერთი სიტყვით, არაა კარგი მდგომარეობა”, – აცხადებს ერთ-ერთი ადგილობრივი მცხოვრები ნიუ პოსტთან საუბარში
საოკუპაციო ხაზთან მდებარე სოფლებში მცხოვრებლების თქმით, ოკუპირებულ ცხინვალის რეგიონში სამხედრო სწავლებები მიმდინარეობს და ისვრიან როგორც მსუბუქი იარაღიდან, ისე მძიმე არტილერიიდან.