“ერთი რამ მინდა ვთქვა, ჩვენ გვჭირდება ეროვნული თანხმობა და ყველა ადამიანს, ვინც ამ ეროვნულ თანხმობაში და ქვეყნის განვითარებაში შეუძლია საკუთარი წვლილის შეტანა, ყველას უნდა მიეცეს ეს შესაძლებლობა. რაც შეეხება მერაბიშვილის პოლიტიკურ გზას, მე ნამდვილად არ ვიცი, რა გადაწყვეტილება აქვს მას. შემიძლია პირდაპირ ვთქვა, რომ მისი დაკავების დღიდან მასთან არანაირი კომუნიკაცია არ მქონია. თუ ის ისურვებს შეხვედრას, მე მზად ვარ. ყველას ვხვდები და საერთოდ, ვფიქრობ ძალა ერთობაშია და უნდა გადავდოთ პირადი პრობლემები და პირადი საკითხები და ყველა ადამიანს უნდა დაველაპარაკოთ. ყველას აქვს საკუთარი სიმართლე, საკუთარი ხედვა და საკუთარი გზა.
ვანო მერაბიშვილს კონკრეტული საქმეებიც ბევრი აქვს ქვეყანაში გაკეთებული. საპატრულო პოლიციით დაწყებული და სხვა მიმართულებებით გაგრძელებული, აქედან გამომდინარე შევხედავთ, დრო გვიჩვენებს აბსოლუტურად ყველაფერს. რაც მთავარია, ჩვენ “ახალი საქართველოს” გუნდი ერთადერთ რამეზე ვფიქრობთ, რაც შეიძლება სწრაფად დავიწყოთ ქვეყნის აღმშენებლობის პროცესი, ვინც ამ შენებაში მონაწილეობას მიიღებს, მზად ვართ ყველას ვესაუბროთ,” – განაცხადა გიორგი ვაშაძემ.