სახალხო დამცველი ნინო ლომჯარია აცხადებს, რომ ყოფილი პატიმრის, ვანო მერაბიშვილის განცხადება ცდება ომბუდსმენის კომპეტენციის ფარგლებს და მისი შეფასებისგან თავი შეიკავა
“ვანო მერაბიშვილის განცხადება ცდება ჩემი კომპეტენციის ფარგლებს, შესაბამისად ვერ გავაკეთებ შეფასებას, რადგან ვთვლი რომ მისი ეს განცხადება არ იყო ადამიანის უფლებების დარღვევებთან დაკავშირებული განცხადება. პოლიტიკური განცხადებები პოლიტიკოსებმა უნდა შეაფასონ.”- განაცხადა ლომჯარიამ. კითხვაზე, არის თუ არა მერაბიშვილი პოლიტპატიმარი, სახალხო დამცველმა კითხვას პირდაპირ არ უპასუხა და აღნიშნა, რომ მერაბიშვილის პატიმრობასთან დაკავშირებით სახალხო დამცველის აპარატმა სტრასბურგში გააგზავნა წერილი, სადაც ციხიდან გაყვანის ეპიზოდზეა საუბარი.
“არა მარტო სახალხო დამცველის პოზიციით, არამედ სტრასბურგის სასამართლოს გადაწყბეილებით მის პატიმრობასთან დაკავშირებით პრობლემატური იყო მისი ციხიდან გაყვანის ეპიზოდი, რომელთა დაკავშირებითაც ევროსაბჭოს მინისტრთა კომიტეტი ითხოვს საქმის ეექტურ გამოძიებას, თუმცა დღმდე არ არის ეს საქმე გამოძიებული, არ არიან ცნობილი ის პირები, ვინც მერაბიშვილი ციხიდან გაიყვანა.”- ეს კომენტარი ნინო ლომჯარიამ ზუგდიდის სოფელ შამგონაში გააკეთა