დღეს ზუგდიდსი, მ/ა სასახლეში ქალაქის შესასვლელში, ცენტრალურ მოედანზე, ღვთისმშობლის, მოზაიკური პანოს პროექტის საჯარო განხილვა გაიმართა. შეხვედრა ზუგდიდისა და ცაიშის ეპარქიის მდივანმა, მღვდელმა დიმიტრი ვეკუამ გახსნა. მან წარმოადგინა რამდენიმე ესკიზი. განხილვაში სხვადასხვა სფეროს წარმომადგენლები იღებდნენ მონაწილეობას, ღომელთა ნაწილმა საკუთარი მოსაზრებები წარმოთქვა. საზოგადოება “ზუგდიდელის” წევრის ვაჟა ფიფიას აზრით, კარგი იქნება თუ მოედანს სახელს გადაარქმევენ და ღვთისმშობლის სახელს მიანიჭებენ.
შეკრებილებს ზუგდიდისა და ცაიშის მიტროპოლიტმა მიმართა. მეუფე გერასიმეს განმარტებით, აქ მოზაიკის დადგმის ინიციატივა იქედან წამოვიდა, რომ ჯვარი იდგა და სწორედ ამ ადგილზე სიმბოლური იქნებოდა ისევ ქრისტიანული სიმბოლიკის აღმართვა.
მეუფე გერასიმეს თქმით, ინიციატივა მოწონებულია საპატრიარქოს ხუროთმოძღვრების საბჭოშიც. ის ასევე ამ ადგილის ტურისტულ პოტენციალზე ამახვილებს ყურადღებას, თუმცა, დაიდგმება თუ არა მოზაიკა ქალაქის მთავარ მოედანზე, გერასიმეს თქმით, ადგილობრივი თვითმმართველობა გადაწყვეტს.