63 წლის პენსიონერი ნელი ჯიქია მეორე დღეა პურს გაზრდილ ფასში ყიდულობს. მოსახლეობას ზუგდიდში, ცენტრალურ ბაზარსა და მარკეტებში პურის ფასი ათი თეთრით მომატებული დახვდა. გამყიდველები ამბობენ, რომ პურზე ფასის მომატებამ მყიდველების რაოდენობა შეამცირა. პურის გაძვირების მიზეზად პურპროდუქტების კომპანიის წარმომადგენლები ჩვენთან პირად საუბარში აცხადებენ, რომ ფქვილზე ფასმა მოიმატა, რამაც პურის გაძვირება გამოიწვია. ისინი არ გამორიცხავენ, რომ პურზე ფასმა კვლავ მოიმატოს. ]