ირაკლი შოთაძის გენერალურ პროკურორად დანიშვნის კენჭისყრა დისკუსიის გარეშე გაიმართება

0
346

ირაკლი შოთაძის გენერალურ პროკურორად დანიშვნის კენჭისყრა დისკუსიის გარეშე გაიმართება. საკითხი ბიუროს სხდომაზე უმრავლესობის წევრმა ანრი ოხანაშვილმა დააყენა. 

ოხანაშვილის თქმით, შოთაძეს 17 თებერვალს იურიდიული კომიტეტის სხდომაზე რამდენიმე საათის განმავლობაში უსმენდნენ. შეგახსენებთ, რომ გენერალური პროკურორის თანამდებობაზე ირაკლი შოთაძის კანდიდატურას მხარი საპროკურორო საბჭოს 11-მა წევრმა დაუჭირა. ის აღნიშნულ თანამდებობას 3 წლის განმავლობაში ერთხელ უკვე იკავებდა. 2018 წლის 31 მაისს კი მან გენერალური პროკურორის თანამდებობა ე.წ. „ხორავას ქუჩის საქმესთან” დაკავშირებული დარღვევების გამო დატოვა.  პარლამენტის ყველა შესასვლელთან პოლიტიკოსები, სამართალდამცავები და ჟურნალისტები არიან მობილიზებული – ოპოზიციური პარტიები საკანონმდებლო ორგანოსთან აქციას მართავენ და შენობის პიკეტირებას ახორციელებენ. ამ ფორმით ისინი გენერალურ პროკურორად ირაკლი შოთაძის დანიშვნას აპროტესტებენ.

წინა სტატიასახელმწიფო აუდიტის სამსახურის დასკვნას „საერთაშორისო გამჭვირვალობა – საქართველო“ ეხმიანება [Video]
შემდეგი სტატიაზუგდიდის რაიონულ სასამართლოსთნ დეკემბერში გარდაცვლილი ეკა მიქავას მშობლებმა და ახლობლებმა აქცია გამართეს [Video]
ტელეკომპანია ოდიშის საინფორმაციო სამსახური