მთავარისიახლეებისაზოგადოებაზუგდიდის მერიის მიერ სოციალური პროექტის ფარგლებში აშენებული სახლების ნაწილი შეუსახლებელია - აუდიტი...

ზუგდიდის მერიის მიერ სოციალური პროექტის ფარგლებში აშენებული სახლების ნაწილი შეუსახლებელია – აუდიტი [Video]

Published on

ზუგდიდის მუნიციპალიტეტმა 2017-2018 წლებში უსახლკარო და მძიმე საცხოვრებელი პირობების მქონე პირთა საცხოვრებელი ფართით უზრუნველყოფის პროგრამა წარმართა ხარვეზებით, რითაც სრულად არ არის უზრუნველყოფილი პროგრამის ძირითადი ამოცანები. ამის შესახებ ინფორმაცია სახელმწიფო აუდიტის სამსახურშია აღნიშნული.

ობიექტების დათვალიერებისას აღმოჩნდა, რომ სოფლებში: კახათში, ცაიშსა და ჭითაწყარში, აღნიშნული პროექტის ფარგლებში აშენებული სახლები, დაკეტილია და საცხოვრებლად არ გამოიყენება. ინგა წყაბელია ერთ-ერთი მათგანია, ვინც დღემდე ამ სახლში არ გადმოსულა, მისი თქმით, პრობლემები აქვს იმის გამო, რომ სახლი მის სახელზე ვერ გადმოიფორმა და ელ.ენერგია შეყვანილი არაა.წყაბელიების ოჯახის შესახებ ინფორმაციას ფლობს სოფლის რწმუნებული ადამ ქარჩავა, რომელიც  ამბობს, რომ ყველაფერი ოჯახის ფინანსურ საკითხებს უკავშირდება.

აუდიტის დასკვნას არ ეთანხმებიან მერიაში. საფინანსო-საბიუჯეტო შესყიდვების სამსახურის უფროსი აცხადებს, რომ მშენებელ კომპანიას უკვე მიმართეს და ხარვეზი აღმოიფხვრება და ამაში  კორუფციული გარიგეგების სერიას ვერ ხედავენ.

აუდიტის დასკვნას ეხმაურებიან ოპოზიციური პარტიები.

სახლების მშენებლობაზე დახარჯულია სულ 50.4 ათასი ლარი, რომელიც ფაქტობრივად არაეფექტიანი ხარჯია, რადგან პროგრამის მიზანი − საჭიროების მიხედვით საცხოვრისით დაკმაყოფილება, ვერ იქნა მიღწეული.სოფლებში: ორსანტიაში, შამადელასა და კოკში სახლები ააშენა შპს „ევრომშენი 999“-მა. წარმოდგენილი დოკუმენტაციის შესწავლით და ობიექტების დათვალიერებით გამოვლინდა, რომ სამუშაოების ნაწილი არ შესრულებულა, ნაწილი კი განხორციელდა ხარჯთაღრიცხვით დადგენილი პარამეტრების შეუსაბამოდ.

სიახლეები

ჟურნალისტ ელისო კილაძეს 10-წლიანი პატიმრობა მიესაჯა

ჟურნალისტ ელისო კილაძეს 10-წლიანი პატიმრობა მიესაჯა გადაწყვეტილება თბილისის საქალაქო სასამართლოში გამოცხადდა დღევანდელ სასამართლო პროცესზე დასკვნითი სიტყვის...

უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს

დაღესტნელი მებრძოლი უსმან ნურმაგომედოვი და მისი გუნდის წევრები არაბთა გაერთიანებულ საამიროების ციხიდან გაათავისუფლეს, -...

ევროკავშირმა რუსეთის წინააღმდეგ სანქციები გააფართოვა

ევროკავშირმა რუსეთის წინააღმდეგ სანქციების სია გააფართოვა. ახალი შეზღუდვები 12 ფიზიკურ პირსა და 101 ორგანიზაციას...

ევროკავშირმა უკრაინისთვის €8 მილიარდის გადარიცხვა დაამტკიცა

ევროკავშირის საბჭომ Ukraine Facility-ს პროგრამის ფარგლებში კიევისთვის თითქმის 8 მილიარდი ევროს გადარიცხვა დაამტკიცა, რაც...