ენმ-ის წევრის თეიმურაზ ბასილაიას თქმით, პარტიის ოფისის დარბევის დღიდან 2 თვე და 12 დღე გავიდა და მხოლოდ დღეს შეატყობინეს, რომ დაზარალებულად ცნეს. ბასილაიამ ამის შესახებ ჟურნალისტებს ზუგდიდის პოლიციის სამმართველოდან გამოსვლის შემდეგ უთხრა.
საქმე ეხება გასული წლის დეკემბერში „ქართული ოცნების“ მხარდამჭერების მიერ ენმ-ს ოფისის დარბევის ფაქტს, როდესაც ოფისში მინები ჩაამსხვრიეს და ბოქლომები დაუშინეს. პარტიის წევრი ამბობს, რომ სამართალდამცავები მოსალოდნელი დარბევის შესახებ წინასწარ გააფრთხილეს და ყველა ინფორმაცია მიაწოდეს, თუმცა, ჯერ გარკვეულიც არ არის თუ ვინ მიაყენა ზიანი ოფისს და არც არავინ დაუკავებიათ.
“ივანიშვილს და მის ხელისუფლებას უნდა ესმოდეს, რომ ბერლინის კედელი, რომელიც ბევრად უფრო დიდი და მასშტაბური და გეოპოლიტიკურად მნიშვნელოვანი იყო მსოფლიოსთვის, დაანგრია ხალხმა. ჩვენ, ეს ხალხი, რომელსაც პროტესტი გვაქვს ამ რეჟიმის მიმართ, დავანგრევთ ამ კედელსაც, და ისინი პასუხს აგებენ ყველა იმ ქმედებისთვის, რაც ჩაიდინეს, არამარტო ოპოზიოციის, ნებისმიერი ქართველის წინაშე”, – განაცხადა თეიმურაზ ბასილაიამ.
„ქართულმა ოცნებამ“ აქციები სახელწოდებით „დემიშიზაცია“ ქუთაისიდან დაიწყო და რამდენიმე რეგიონში ჩაატარა. ერთ-ერთი აქსეთი აქცია ზუგდიდში 2019 წლის 3 დეკემბერს გაიმართა.