მთავარისიახლეებიპოლიტიკამმართველ გუნდთან შეხვედრამდე ოპოზიციაში კონსულტაციები მიმდინარეობს

მმართველ გუნდთან შეხვედრამდე ოპოზიციაში კონსულტაციები მიმდინარეობს

Published on

კონსულტაცია ხელისუფლებასთან მორიგი რაუნდის წინ – ოპოზიცია დღეს ლეიბორისტული პარტიის ოფისში შეიკრიბება. მათი მთავარი განსახილველი თემა განახლებული წინადადებაა, რომელსაც საარჩევნო სისტემასთან დაკავშირებით ხელისუფლებას სთავაზობენ. 

ხელისუფლების ოპონენტები მზად არიან პროპორციული სისტემის ნაცვლად პროპორციულთან მაქსიმალურად მიახლოებული ვარიანტიც განიხილონ, ხოლო, თუ ხელისუფლება ამ საკითხის განხილვაზეც უარს იტყვის – პროტესტის გაგრძელებას გეგმავენ.

“ოპოზიციური პარტიები განვაგრძობთ კონსულტაციებს, იმისათვის, რომ მიღწეულ იქნას ქვეყანაში დემოკრატიული თამაშის წესები, რომ ერთმა პირმა არ მოახდინოს ხელისუფლების უზურპაცია და არ გააუქმოს მთავარი მონაპოვარი დემოკრატიული არჩევნები,”- განაცხადა პარლამენტის ფრაქცია “ევროპული საქართველოს” თავმჯდომარე ოთარ კახიძემ.

“ერთიანი ნაციონალური მოძრაობის” პოლიტიკური საბჭოს წევრ ზაალ უდუმაშვილის თქმით, დღევანდელ შეხვედრაზე მეხუთე რაუნდის წინა სამოქმედო გეგმას განიხილავენ.

“განვიხილავთ ჩვენს სამოქმედო გეგმებს, რას ვაკეთებთ და მთავარი ყურადღება დაეთმობა მოლაპარაკების მორიგ რაუნდს. ჩვენ უნდა შევთანხმდეთ ისეთ საარჩევნო მოდელზე, რომელიც პროპორციულთან მაქსიმალურად იქნება მორგებული,”- განაცხადა ზაალ უდუმაშვილმა.

საქართველოს ლეიბორისტული პარტიის თავმჯდომარე შალვა ნათელაშვილი აცხადებს, რომ მათი მთავარი მიზანი ოლიგარქის წინააღმდეგ ბრძოლაა.

“სხდომებიც რეგურალურია და ვიხილავთ გეგმებს, იმის თაობაზე, თუ როგორ უნდა შევუმციროთ პოლიტიკური არსებობის დღენი იმ ოლიგარქს, რომლის ხელს, რომლის ჯიბეს გემოვნებას და მადას ეწირება ჩვენი შვილების მომავალი,”- განაცხადა შალვა ნათელაშვილმა.

პარლამენტის ფრაქცია “ქართული ოცნების” წევრი ირაკლი კობახიძე კი ხაზს უსვამს, რომ მმართველი გუნდის შეთავაზება უკვე ცნობილია და ახლა ისინი ოპოზიციის პასუხს ელოდებიან.

“დაველოდებით მათ პოზიციას და ვნახოთ რაზე ჩამოყალიბდებიან. ჩვენი წინადადება არის ცნობილი ეს არის 100/50 და ველოდებით შეთავაზებაზე პასუხს. ჩვენი ამოცანაა შეჯერება ოპტიმალურ მოდელზე, ჩვენი შეთავაზება კი სწორედ ასეთია,”- განაცხადა ირაკლი კობახიძემ.

სიახლეები

ჟურნალისტ ელისო კილაძეს 10-წლიანი პატიმრობა მიესაჯა

ჟურნალისტ ელისო კილაძეს 10-წლიანი პატიმრობა მიესაჯა გადაწყვეტილება თბილისის საქალაქო სასამართლოში გამოცხადდა დღევანდელ სასამართლო პროცესზე დასკვნითი სიტყვის...

უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს

დაღესტნელი მებრძოლი უსმან ნურმაგომედოვი და მისი გუნდის წევრები არაბთა გაერთიანებულ საამიროების ციხიდან გაათავისუფლეს, -...

ევროკავშირმა რუსეთის წინააღმდეგ სანქციები გააფართოვა

ევროკავშირმა რუსეთის წინააღმდეგ სანქციების სია გააფართოვა. ახალი შეზღუდვები 12 ფიზიკურ პირსა და 101 ორგანიზაციას...

ევროკავშირმა უკრაინისთვის €8 მილიარდის გადარიცხვა დაამტკიცა

ევროკავშირის საბჭომ Ukraine Facility-ს პროგრამის ფარგლებში კიევისთვის თითქმის 8 მილიარდი ევროს გადარიცხვა დაამტკიცა, რაც...