ინფექციური საავადმყოფოს ბოქსირებულ განყოფილებაში მყოფ არც საქართველოსა და არც ჩინეთის მოქალაქეს, ლუგარის ლაბორატორიის კვლევის მიხედვით, კორონავირუსი არ დაუდგინდა.
დიდი ალბათობით, ჩინეთის მოქალაქეს B ტიპის ვირუსი აქვს. ის საქართველოში ყაზახეთიდან შემოვიდა, ასევე, იყო გუდაურსა და ბაკურიანში. ვირუსის სიმპტომები მას 3 დღის წინ დაეწყო და ქართველ მედიკოსებს გუშინ მიმართა. ახალი მომაკვდინებელი ვირუსი არ აღენიშნება ქართველ ახალგაზრდა ქალსაც, რომელიც ამ დრომდე საავადმყოფოში რჩება.