დღეს, ზუგდიდის საკრებულოს სხდომაზე რამდენიმე საკითხი განიხილეს, თუმცა ყველაზე მეტი ხმაური და პოლემიკა მერიის ზედამზედველობის სამსახურში შტატების გაზრდის საკითხმა გამოიწვია. საკრებულოს ოპოზიციის წევრებმა აღნიშნულ საკითხს მხარი არ დაუჭირეს და განმარტეს, რომ ადგილობრივი ბიუჯეტში 50 % ზე მეტი ისედაც საჯარო მოხელეების ხელფასებზე ნაწილდება და სწორედ ამ ფონზე კიდევ შტატების გაზრდა მათთვის მიუღებელია. საკრებულოს თავმჯდომარის, მამუკა წოწერიას განმარტებით, ოპოზიციის წევრები თითქმის ყევლა საკითხს უარყოფითად აფასებენ და მათი მხრიდან მსგავსი განცხადებების მოსმენა მას არ გაკვირვებია. საკრებულოს თავმჯდომარის თქმით, შტატების გაზრდა წელიწადში დაახლოებით 100 ათას ლარმდე განისაზღვრება.