“ბაღის სადრენაჟორო – სადერევაციო კომუნიკაციის შესაქმნელად თითქმის პროექტის ნახევარზე მეტი დაიხარჯა და დღეს იტბორება და ჭაობს დაემსგავსა“- ალექსანდრე ახვლედიანი [Video]

ზუგდიდის ბოტანიკური ბაღის დატბორვის ფატქზე დღეს ბრიფინგი გამართა საზოგადოებრივი პოლიტიკური მოძრაობა „ლელო“-ს ზუგდიდის ოფისის ხელმძღვანელმა, ალექსანდრე ახვლედიანმა. მისი თქმით, სამწუხაროდ დრომ გვიჩვენა, რომ ის მოლოდინები რაც ხელისუფლებას ჰქონდა ბოტანიკური ბაღის პროექტთან დაკავშირებით არ გამართლდა, “დღეს გვიწევს უკვე შეფასება იმის რაც გაკეთებულია, სახეზეა უპასუხისმგებლო, ძალიან მძიმე და ცუდი დამოკიდებულების მაგალითი და სიმახინჯე, რომელიც დღეს ბოტანიკურ ბაღს თან ახლავს. ასევე ძალიან მძიმეა საუბარი იმაზე, რომ პროექტი რომელიც დაახლოებით 12 მილიონი ლარი ღირს და მისი სადრენაჟორო – სადერევაციო კომუნიკაციის შესაქმნელად თითქმის პროექტის ნახევარზე მეტი დაიხარჯა დღეს იტბორება და ჭაობს დაემსგავსა“. ალექსანდრე ახვლედიანის განმარტებითვე, იგი ამ საქმეში კორუფციის ნიშნებს ხედავს და მოუწოდებს შესაბამის სამსახურებს აღნიშნული თემით დაინტერესდნენ.