ზუგდიდის ბოტანიკური ბაღში, რომლის რეაბილიტაციისთვის 12 მილიონამდე ლარი დაიხარჯა, ტერიტორიის უმეტესი ნაწილი წყლითაა დაფარული.პრობლემის შესახებ იციან მერიაში, სადაც ამბობენ, რომ მის მოგვარებაზე მუშაობენ. ოპოზიცია კი კორუფციულ გარიგებებსა და სამუშაოების უხარისხოდ შესრულებაზე მიუთითებს და ამბობს, რომ თანხები გაიფლანგა. ბაღში ფაქტიურად გავლა შუძლებელია, ბოტანიკური ბაღების მართვის ცენტის ხელმძღვანელი ამბობს, რომ სამუშაოები ხარისხიანადაა შესრულებული და ეს მხოლოდ ხშირი წვიმებითაა გამოწვეული.ბაღი დღეს ბოტანიკოსებმა, მუნიციპალური განვითარების ფონდისა და შპს “ჯავას” წარმომადგენლებმა დაათვალიერეს. ისინი ამბობენ, რომ არანაირი წყალი ბაღში არ არის და სამუშაოები უხარვეზოდაა შესრულებული.ზუგდიდის განახლებული ბოტანიკური ბაღი 2019 წლის დეკემბერში გაიხსნა, ბაღის რეკონსტრუქცია 2018 წლის თებერვალში დაიწყო. პროექტი მსოფლიო ბანკმა ადგილობრივი ბიუჯეტის თანამონაწილეობით დააფინანსა, მთლიანად ბაღის რეკონსტრუქციის სამუშაოები 12 მილიონ ლარამდე დაჯდა.