პუტინთან დაახლოებული ბიზნესმენი, მიხეილ ხუბუტია კახეთში მიწებს ყიდულობს – დაპირისპირება ნაფარეულში. მიწა გაფორმებულია ცოლის დის – ნონა ჯანაშიას სახელზე. რუსეთში მოღვაწე ბიზნესმენის მიერ მიწების შესყიდვას, რომელიც ამბობს, რომ ომი საქართველომ დაიწყო, ერთიანი ნაციონალური მოძრაობა აპროტესტებს. ნაფარეულში დღეს გიორგი ბოტკოველი ჩავიდა.მის გამოჩენას კი ხუბუტიას მხრიდან გინება და სიტყვიერი შეურაცხყოფა მოყვა.დაპირისპირება გიორგი ბოტკოველის ინიციატივას მოყვა, რომელმაც გადაწყვიტა, პირადად გაერკვია, თუ რა ამოძრავებდა პუტინთან დაახლოებულ ბიზნესმენს.ასევე ქონდა თუ არა ხუბუტიას მორალური უფლება ეწარმოებინა სოფლის მეურნეობის ბიზნესი, იმის შემდეგ, რაც მან არაერთხელ ღიად დაადანაშაულა საქართველო რუსეთთან ომის დაწყებაში.”ჩაგკლავთ ღორივით”- ამ სიტყვებით მიმართა ხუბუტიამ ბოტკოველს და მის მიმართ აგრესია გამოიჩინა, ხუბუტიამ ასევე ბოტკოველს დებილი უწოდა.ხუბუტია აგრესიული იყო ჟურნალისტების მიმართაც.ხუბუტიამ განაცხადა, რომ პუტინს ახლაც აქებს.