მამაკაცი, რომელიც ხობის მუნიციპალიტეტის სოფელ პირველ მაისში, დღეს დაჭრეს, საავადმყოფოში გარდაიცვალა. 50 წლამდე მამაკაცის გადარჩენა ექიმებვმა ვერ შეძლეს. მას ჭრილობების მუცლის არეში აღენიშნებოდა.
რაც შეეხება, თავდასხმის შედეგად დაშავებულ 77 წლის ქალს, თავში მიყენებული მრავლობითი დაზიანებებით, ამ დროისათვის ქუთაისის კლინიკაშია გადაყვანილი.ხობის მუნიციპალიტეტის სოფელ პირველ მაისში სტუმარმა მასპინძელი დაჭრა .არსებული ინფორმაციით, მაშინ როცა დაჭრაში ბრალდებული მიმალვას ცდილობდა, მეზობლის სახლს შეაფარა თავი, სადაც ქალი დახვდა და მასაც ფიზიკური დაზიანებები მიაყენა.
მეზობლების ინფორმაციით, თავდასხმის შემდეგ მამაკაცმა გაქცევა სცადა, თუმცა ის სოფლის ტერიტორიაზე დააკავეს.
მათივე ცნობით, თავდამსხმელი 1996 წელს დაბადებული პირია, რომელიც თბილისში ცხოვრობს და სამეგრელოში სტუმრად იმყოფებოდა.