ქართული ოცნების მიმართ ამერიკელი კანონდებლების უმწვავეს კრიტიკასა და მათზე საქართველოს მთავრობის შეფასებებს ეხმაურება კიდევ ერთი ამერიკელი ექსპერტი და დიპლომატი დენიელ ფრიდი, რომელიც იყო ამერიკის სახელმწიფო მდივნის თანაშემწე ევროპისა და ევრაზიის საკითხებში. იგი 1997-2000 წლებში იყო აგრეთვე ამერიკის სრულუფლებიანი ელჩი პოლონეთში.
„კონგრესის წევრების შეშფოთებით უარყოფა ან ქედმაღლურად იმის თქმა, რომ ისინი უცოდინრობით მოქმედებენ, ვითარებას არ გამოასწორებს. კონგრესის თანამშრომლები ძალზე გამოცდილი ხალხია. თუ საქართველოს მთავრობას არ მოსწონს კონგრესის შეხედულებები, მათ უნდა ჰქონდეთ სერიოზული საუბრები ამ საკითხებზე. საქართველოს მთავრობამ შეშფოთების უბრალოდ უარყოფაზე მეტი უნდა გააკეთოს, რადგან ამერიკის კონგრესი საქართველოსთვის კრიტიკულად მნიშვნელოვანია და კონგრესის არასერიოზულად აღქმა ყველაზე ნაკლებად საქართველოს აწყობს.