ჩხოროწყუში, ჯუმბერ იზორიას ოფისთან მოძრაობა “შეცვალეს” აქტივისტები საპროტესტო აქციას მართავენ – ისინი პარლამენტარს კონტრაბანდასთან კავშირში ადანაშაულებენ. აქციის ერთ-ერთი მონაწილის თქმით, იზორიები ჩხოროწყუში ყველა ბიზნესს აკონტროლებენ, რასაც ისინი აპროტესტებენ.
მათ ხელში უჭირავთ პლაკატები წარწერებით “ჩვენც იზორიები ვართ, ვერ დაგვაკავებთ”, “შეცვალე სამეგრელოდან” და ა.შ. ახალგაზრდებს ადგილზე მიტანილი აქვთ სიგარეტი და ბენზინი.
თავის მხრივ, პარლამენტარი ამბობს, რომ არავითარ კონტრაბანდაში არ მონაწილეობს და ეს ბრალდება გამოგონილია პროვოკატორების მიერ, რომელნიც „ნაციონალური მოძრაობის“ მიერ არიან მართული.
„ყველა უწყებას ვთხოვ, თუ რომელიმე ჩემს ნათესავს ან ახლობელს აქვს რამე სახის უკანონობა ჩადენილი, გამოიძიონ და დასაჯონ” – აცხადებს ჯუმბერ იზორია.