მთავარისიახლეებიპოლიტიკააშშ-მა უკრაინის წინააღმდეგ მიმართული რუსეთის აგრესიისა და ყირიმის ოკუპაციის გამო დაწესებული სანქციები...

აშშ-მა უკრაინის წინააღმდეგ მიმართული რუსეთის აგრესიისა და ყირიმის ოკუპაციის გამო დაწესებული სანქციები გააფართოვა

Published on

ამერიკის შეერთებულმა შტატებმა უკრაინის წინააღმდეგ მიმართული რუსეთის აგრესიისა და ყირიმის ოკუპაციის გამო დაწესებული სანქციები გააფართოვა. „შავ სიას“ რვა ფიზიკური პირი და ერთი კომპანია დაემატა. ინფორმაციას ამის შესახებ აშშ-ის სახაზინო დეპარტამენტმა განაცხადა.

მანამდე რუსეთის წინააღმდეგ სანქციები გააფართოეს ევროკავშირმა და კანადამაც.

„აშშ-ის, ევროკავშირისა და კანადის ამგვარი ერთობლივი კოორდინირებული მოქმედებები აღნიშნულ არალეგიტიმურ ოფიციალურ პირებს უზღუდავს საერთაშორისო ბიზნესსაქმიანობის შესაძლებლობას“, – განაცხადა აშშ-ის სახაზინო მდივანმა, სტივენ მნუჩინმა.

აშშ-ის სანქციები დაუწესდა ოკუპირებული ყირიმის ე.წ. მინისტრთა საბჭოს თავმჯდომარეს იური გოცანიუკს, სევასტოპოლის ე.წ. საქალაქო საარჩევნო კომისიის თავმჯდომარე სერგეი დანილენკოს, ასევე მის მოადგილეს, ლიდია ბასოვასა და მდივანს, ეკატერინა პირკოვას. „შავ სიაში“ ასევე მოხვდნენ სევასტოპოლის ე.წ. საკანონმდებლო კრების თავმჯდომარე ვლადიმირ ნემცევი, მისი მოადგილე ეკატერინა ალტაბაევა და სევასტოპოლის ე.წ. გუბერნატორის მოვალეობის შემსრულებელი მიხაილ რაზვოზჟაევი.

ამას გარდა, აშშ-ის შეზღუდვები დაუწესდა სარკინიგზო კომპანია „გრანდ სერვის ექსპრესს“ და მის გენერალურ დირექტორს, ალექსანდრ განოვს. აღნიშნული კომპანია რუსეთისა და ანექსირებულ ყირიმის დამაკავშირებელი რკინიგზით მგზავრების გადაყვანას უზრუნველყოფს.

სიახლეები

ჟურნალისტ ელისო კილაძეს 10-წლიანი პატიმრობა მიესაჯა

ჟურნალისტ ელისო კილაძეს 10-წლიანი პატიმრობა მიესაჯა გადაწყვეტილება თბილისის საქალაქო სასამართლოში გამოცხადდა დღევანდელ სასამართლო პროცესზე დასკვნითი სიტყვის...

უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს

დაღესტნელი მებრძოლი უსმან ნურმაგომედოვი და მისი გუნდის წევრები არაბთა გაერთიანებულ საამიროების ციხიდან გაათავისუფლეს, -...

ევროკავშირმა რუსეთის წინააღმდეგ სანქციები გააფართოვა

ევროკავშირმა რუსეთის წინააღმდეგ სანქციების სია გააფართოვა. ახალი შეზღუდვები 12 ფიზიკურ პირსა და 101 ორგანიზაციას...

ევროკავშირმა უკრაინისთვის €8 მილიარდის გადარიცხვა დაამტკიცა

ევროკავშირის საბჭომ Ukraine Facility-ს პროგრამის ფარგლებში კიევისთვის თითქმის 8 მილიარდი ევროს გადარიცხვა დაამტკიცა, რაც...