შშმ პირი გოგონას გაუპატიურების ბრალდებით დაკავებულ 65 წლამდე მამაკაცს ზუგდიდის რაიონული სასამართლოს მოსამართლე შოთა ბიჭიამ აღკვეთის სახით პატიმრობა შეუფარდა. მოსამართლის კითხვაზე, ბრალდებული ცნობს თუ არა თავს დამნაშავედ, მან დუმილის უფლება გამოიყენა. სასამართლო პროცესის შემდეგი განხილვა მედიისთვის დახურულ რეჟიმში წარიმართა. შეგახახსენებთ, რომ პოლიციამ მოსამართლის განჩინების საფუძველზე 26 იანვარს, 1955 წელს დაბადებული 1 პირი დააკავა, რომელიც ბრალდებულია სსკ-ის 137-ე მუხლით გათვალისწინებული დანაშაულისთვის. სავარაუდო მსხვერპლის და ბრალდებულის ახლობლების დაპირისპირების თავიდან არიდების მიზნით პოლიციამ პრევენციული ღონისძიებები გაატარა. ადმინისტრაციული წესით დაკავებულია 3 პირი.