ხელისუფლებაში საქართველოს უსაფრთხოების საბჭოს ყოფილი მდივნის, დაზვერვის სამსახურის ყოფილი უფროსის ლევან იზორიას გერმანიაში ელჩად დანიშვნის საკითხზე კომენტარებს აკეთებენ.
შინაგან საქმეთა მინისტრის, ვახტანგ გომელაურის განცხადებით, იზორიას ელჩად დანიშვნა პოლიტიკას არ უკავშირდება. „როგორც მე ვიცი, დაახლოებით ერთი თვის წინ იყო გადაწყვეტილი ბატონი ლევანის გერმანიაში ელჩად წასვლა. რატომღაც ახლა, ასე დაემთხვა”, – განაცხადა ვახტანგ გომელაურმა
“ზოგადად გეტყვით იმას, რომ ელჩების როტაციის პრინციპი მიღებული ფორმაა. ეს არის საკითხი, რომელიც გარკვეულ დროს დგება ხოლმე, შესაბამისად ეს არის ჩვეულებრივი მიმდინარე საკითხი ელჩის როტაციასთან დაკავშირებით. რაც შეეხება დეტალებს და სხვა კონკრეტულ საკითხებს, თქვენ შეგიძლიათ ამასთან დაკავშირებით საგარეო საქმეთა სამინისტროს მიმართოთ”, – განაცხადა ანრი ოხანაშვილმა
ცნობისთვის, საქართველოს უსაფრთხოების საბჭოს მდივანი, დაზვერვის სამსახურის უფროსი ლევან იზორია თანამდებობებს ტოვებს. იზორიას განმარტებით, ის გერმანიაში, სრულუფლებიან ელჩად გააგრძელებს საქმიანობას.