28 წლის შშმ პირი ქალის გაუპატიურების მცდელობაში 65 წლამდე მის მეზობლად მცხოვრებ მამაკაცს ადანაშაულებენ. შემთხვევა ზუგდიდის მუნიციპალიტეტის ერთ-ერთ სოფელში მოხდა. ბრალდებულის საცხოვრებელ სახლთან ამ წუთებში დაზარალებულის ნათესავები და ოჯახის წევრები არიან შეკრებილები და შუახნის მამაკაცის ლინჩის წესით გასამართლებას ითხოვენ.
შემთხვევის ადგილზე მობილიზებულია ზუგდიდის პოლიციისა და საპატრულო პოლიციის თანამშრომლები. შსს-ს ცნობით, პოლიციამ მოსამართლის განჩინების საფუძველზე 1955 წელს დაბადებული 1 პირი დააკავა, რომელიც ბრალდებულია სსკ-ის 137-ე მუხლით გათვალისწინებული დანაშაულისთვის.
სავარაუდო მსხვერპლის და ბრალდებულის ახლობლების დაპირისპირების თავიდან არიდების მიზნით პოლიციამ პრევენციული ღონისძიებები გაატარა. ადმინისტრაციული წესით დაკავებულია 3 პირი.
