მერის მოადგილეს კულტურის, სპორტის, განათლების და ახალგაზრდულ საქმეთა საკითხებში კონულტანტი ეყოლება

0
432

ზუგდიდის მუნიციპალიტეტის მერის მოადგილის კონსულტანტად კულტურის, სპორტის, განათლების და ახალგაზრდულ საქმეთა საკითხებში, მურმან ბუკია 2020 წლის 15 იანვრიდან შრომითი ხელშეკრულებით დაინიშნა. როგორც “ოდიშინიუსს” მერიაში განუცხადეს, მუნიციპალიტეტისთის მნიშვნელოვანია ახალგაზრდა კადრების მოზიდვა, სწორედ ამით არის განპირობებული ბუკიას დანიშვნა მერის მოადგილის კონსულტანტად.

“მურმან ბუკია წლების განმავლობაში მუშაობდა თბილისში, კერძო სექტორში, მათ შორის, დაზღვევის კომპანია „ქართუში“ ერთ-ერთი მიმართულების მენეჯერად. მას აქვს კერძო სექტორთან, სხვადასხვა ორგანიზაციებთან ურთიერთობის გამოცდილება. ზუგდიდის მუნიციპალიტეტის მერიისთვის ერთ-ერთ პრიორიტეტს ახალგაზრდული საკითხების განვითარება წარმოადგენს, ასევე, კულტურული და საგანმანათლებლო , სპორტული მიმართულებების გაძლიერება და ამ მხრივ სხვადასხვა სექტორის ჩართულობის გაღრმავება. შესაბამისად, მურმან ბუკია კოორდინაციას გაუწევს კულტურის, სპორტის, განათლების და ახალგაზრდულ საქმეთა მიმართულებით მომუშავე დონორებთან, არასამთავრობო ორგანიზაციებთან და ზუგდიდის მუნიციპალიტეტის ააიპ-ებთან ურთიერთობას. ზუგდიდში იგეგმება უფრო ფართომასშტაბიანი, სხვადასხვა სახის ღონისძიებების ჩატარება, რათა გაიზარდოს ახალგაზრდების ჩართულობა და აქტიურობა. ასევე, აშენდება თანამედროვე სტანდარტებით და ტექნოლოგიებით აღჭურვილი ახალგაზრდული ცენტრი. თქვენ იცით, რომ 2019 წელს, ზუგდიდის მუნიციპალიტეტის მერიამ დანერგა ღონისძიებების ჩატარების ახალი პრაქტიკა, პარასკევი, შაბათი და კვირა დღე დაიტვირთა სხვადასხვა შინაარსის კულტურულ-შემეცნებითი ღონისძიებებით, რაც გახდა ნათელი მაგალითი იმისა, რომ ახალგაზრდებს სჭირდებათ მეტი აუქტიურობა, მეტი ჩართულობა და სიახლეები. “- აცხადებენ მერიაში

წინა სტატია“ქართული ოცნების” დაკვეთით ჩატარებული კვლევის შედეგებით მმართველ პარტიას ამომრჩეველთა 25 % უჭერს მხარს, ოპოზიციას ჯამში 57%-ზე მეტი
შემდეგი სტატია20 ივნისს ახალგაზრდებმა იბრძოლეს თავგანწირულად და ესაა ლიდერობა სწორედ
ტელეკომპანია ოდიშის საინფორმაციო სამსახური