ჩხოროწყუს მუნიციპალიტეტში, 39 წლის მამაკაცს ხელში ხელყუმბარა აუფეთქდა. ახალგაზრდა გ ჩხოროწყუს მკვიდრი გიორგი კვარაცხელიაა. ოჯახის ინფორმაციით,მათ იცოდნენ,რომ გიორგის ხელყუმბარა ჰქონდა. მათივე თქმით,მას იგი გადაგდების დროს აუფეთქდა. დაშავებული სასწრაფო სამედიცინო დახმარების სამსახურმა ზუგდიდის რეფერალურ საავადმყოფოში გადმოიყვანა. მედიკოსების შეფასებით, ახალგაზრდა მამაკაცს ორივე ქვედა კიდურზე აღენიშნება მრავლობითი ჭრილობა. მისი ჯანმრთელობის მდგომარეობა სტაბილურად მძიმეა და კატასტრობის ბრიგადამ ქუთაისის საავადმყოფოში გადაიყვანა. შემთხვევა წუხელ მოხდა შსს-ს ინფორმაციით მომხდართან დაკავშირებით გამოძიება 118 -ე მუხლით დაიწყო, რაც ჯანმრთელობის ნაკლებად მძიმე დაზიანებას გულისხმობს.