ახმეტაში, სოფელ კასრისწყალიდან რამდენიმე კილომეტრში, სადაც მწყემსები არიან დაბინავებული,წუხელ, გვიან ღამით მკვლელობა მოხდა.
არსებული ინფორმაციით, მკვლელობას მწყემსებს შორის ურთიერთდაპირისპირება უძღოდა. 34 წლის მამაკაცის მიერ სანადირო თოფით არის მოკლული 48 წლის კაცი. ფაქტზე ერთი პირი უკვე დაკავებულია.
შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს.