„იანვრის ბოლო დღეების მონაცემებით, პირველ პერიოდთან შედარებით გაზრდილია მიმართვიანობა და ასევე ჰოსპიტალიზაცია“, – ეს განცხადება დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ, პრესკონფერენციაზე გააკეთა. ჩვენი გადამღები ჯგუფი დაინტერესდა თუ რა მდგომარეობაა ამ მხრივ აფხაზეთში. შარშან სწორედ ამ დროს სოხუმის გადაწყვეტილებით, 10 იანვრიდან, ორი თვით, საქართველოდან H1N1-ის ვირუსის გავრცელების რისკის მიზეზით, ერთადერთი გამსვლელი პუნქტი ენგურის ხიდი ჩაკეტილი იყო. დღეს ენგურს გაღმა მცხოვრები მოსახლეობა ჩვენთან საუბარში განმარტავდა, რომ ვირუსის გავრცელების ფაქტები აფხაზეთის ტერიტორიაზე არ გამოვლენილა და ამასთანავე სკოლები სხვა დაწესებულებები ჩვეულ რეჟიმში მუშაობენ.