ბიძინა ივანიშვილმა, რომელიც თავის ჭკუაში კანტს და ნიცშეს ეკამათება, ვინმე ევგენი ნოვოჟიროვი გაქურდა

0
641

კაცი, რომელიც თავის ჭკუაში ეკამათება კანტს და ნიცშეს თურმე ყოფილა ევგენი ნოვოჟიროვის, ძაან ეგზოტიკური გვარის კაცის გადამწერი და პლაგიატორი.  –  ევროპული საქართველოს ლიდერი გიგი უგულავა ბიძინა ივანიშვილის დისერტაციის საკითხს ეხმაურება.

,,ძაან საინტერესო იქნება თუ დრო გამოვნახე აუცილებლად წავიკითხავ ივანიშვილის თუმდაც ამ მოპარულ დისერტაცია, რომელიც კოლმეურნეობებში შრომის ოპტიმიზაციის მეთოდოლოგიის დანერგვას და მის გაუმჯობესებას ეხება. საინტერესო იქნება, როგორ აპირებდა ივანიშვილი 86 წელს კოლმეურნეობების განვითარებას.

ეს, რა თქმა უნდა, ღიმილს და სიცილს იწვევს, თუმცა, თუ გავაცნობიერებთ იმას, რომ ეს ადამიანი დღეს ფაქტობრივად დაპატრონებულია ჩვენს ქვეყანას და უყურებს, როგორც რაღაც არშემდგარ კოლმეურნეობას, მაშინ ყველაფერი გასაგები იქნება.

რა ბედი ეწევა მის დისერტაცია მე მგონი არსებითი არ არის, მთავარია, ვისაც გართობა გსურთ, შეგიძლიათ აიღოთ ამ კაცის დისერტაცია და იქ უამრავი მარგალიტი იქნება და მერე ვარკვიოთ რომელი არის ივანიშვილის და რომელი ნოვოჟიროვის.”

შეგახსენებთ, თავისუფლების ინსტიტუტი ქართული ოცნების ლიდერის, ბიძინა ივანიშვილისთვის, სამეცნიერო ხარისხის ჩამორთმევას ითხოვს. ამ მიზნით ორგანიზაციის წევრებმა განათლების ხარისხის განვითარების ეროვნულ ცენტრს მიმართეს და ივანიშვილის დისერტაციასთან ერთად, ყველა ის მტკიცებულება გადასცეს, რის გამოც მიიჩნევენ, რომ ივანიშვილის ნაშრომი ვერ აკმაყოფილებს სამეცნიერო სტანდარტს და შეიცავს პლაგიატის ნიშნებს.

წინა სტატიანინო ლომჯარია თეა წულუკიანს სახალხო დამცველის ინსტიტუტზე პოლიტიკური თავდასხმების გაგრძელებაში ადანაშაულებს და გენერალურ პროკურორს განცხადებით მიმართავს დაუყოვნებლივ დაიწყოს გამოძიება
შემდეგი სტატიადეპუტატებს შენიშვნები აქვთ 2020 წლის ბიუჯეტით გათვალისწინებული პროექტებისთვის თანხების გადანაწილებაზე [Video]
ტელეკომპანია ოდიშის საინფორმაციო სამსახური