თურქეთის საგარეო საქმეთა მინისტრმა დავოსის მსოფლიოს ეკონომიკურ ფორუმზე განაცხადა, რომ ჩრდილოატლანტიკური ალიანსი უნდა გაფართოვდეს და ორგანიზაციაში უნდა მიიღოს ახალი წევრი საქართველოს სახით. ამის შესახებ ინფორმაციას ავრცელებს REUTERS-ი.
„მე არ მესმის, თუ რატომ არ მოვიწვიეთ საქართველო ან რატომ არ გავაქტიურეთ ჩვენი მოქმედების გეგმები, რომ საქართველო გამხდარიყო ნატოს წევრი,- განაცხადა თურქეთის საგარეო საქმეთა მინისტრმა, ჩავუშოღლუმ მსოფლიოს ეკონომიკის საკითხების ყოველწლიურ განხილვაზე დავოსში.
„ჩვენ გვაკრიტიკებენ ხშირად რუსეთთან ახლო ურთიერთობების გამო, მაგრამ ჩვენს დასავლელ მეგობრებს არ სურთ, საქართველო გახდეს ალიანსის წევრი, რადგან ისინი ამით მოახდენენ რუსეთის პროვოცირებას, თუმცა საქართველოს ჩვენ ვჭირდებით და ჩვენც გვჭირდება ისეთი მოკავშირე, როგორიც საქართველოა. ალიანსი უნდა გაფართოვდეს და საქართველო გახდეს ნატოს წევრი“ .