ეს შარშანდელი ფოტოა, წლევანდელ ზამთარს კი თოვლიც სანატრელი გაგვიხდა, თუმცა სინოპტიკოსები გვამშვიდებენ, რომ აუცილებლად მოთოვს: თოვას უკვე ამ დეკადაში ელოდებიან როგორც დასავლეთ, ისე აღმოსავლეთ საქართველოში. ეს კარგია – სხვა თუ არაფერი, ბავშვები მაინც გაიხარებენ, გათბობაზე კი უფროსებმა ვიმტვრიოთ თავი, თუმცა თოვლით მოგვრილი ცოტა სიხარული არც ჩვენ გვაწყენს.
“საქართველოს უმეტეს რაიონებში ნალექს ველოდებით თოვლის სახით, მაღალმთიან რაიონებში ძლიერი თოვაა მოსალოდნელი. დაბლობ რაიონებში, ტემპერატურა იქნება +2-დან +7-გრადუსამდე. მაღალმთიან რაიონებში შედარებით დაბალი.
აღმოსავლეთ საქართველოს ზოგიერთ რაიონშიც თოვლია მოსალოდნელი, პარალელურად კი მოსალოდნელია ძლიერი ქარიც, რაც მაღალმთიან რეგიონებში ზვავსაშიშორებას შექმნის ზღვაზე კი ველოდებით 6-ბალიან შტორმს” – აცხადებს სინოპტიკოსი თამარ გულედანი.