ფინანსთა სამინისტროს საგამოძიებო სამსახურმა ზუგდიდში ჯგუფური დანაშაულისთვის ხუთი პირი დააკავა. დაკავებულებს ბრალად ედებათ მიცვალებულთა სახელით საპენსიო თანხის მისაკუთრება, ბრალდებულებს შორის შორის არიან ქალებიც. გავრცელებული ინფორმაციით, ჯგუფმა თაღლითური სქემით 70 ათასი ლარი მიითვისა. ფინანსთა სამინისტროს საგამოძიებო სამსახურში დაკავების ფაქტს ადასტურებენ, თუმცა დაკავებულთა რაოდენობის დაკონკრეტებისგან თავს იკავებენ, გამოძიების ინტერესებიდან გამომდინარე. დეტალებზე უწყება განცხადებას მოგვიანებით გაავრცელებს.