4 შვილის დედა ეკა ქირია შსს-ს განსაკუთრებულ დავალებათა დეპარტამენტის მეორე სამმართველოს ყოფილი თანამშრომელია, რომელიც ყვება, რომ სამსახურიდან იმიტომ გაათავისუფლეს, რომ კითხვები დასვა სპეცრაზმელებისთვის განკუთვნილი საკვების მოპარვასთან დაკავშირებით. ქირია ამბობს, რომ მას პირადი ცხოვრების ამსახველი კადრების გავრცელებითაც დაემუქრნენ, თუ ხმას ამოიღებდა და რამეს იტყოდა.”ხორცი, კარტოფილი, ზეთი, ბოსტნეული, ყველაფერი, რაც განკუთვნილია ზუგდიდის სპეცრაზმელებისთვის, ნახევარი არ მიდის მათთან. საწყობიდან მაღალჩინოსნებს მიაქვთ, სპეცრაზმელებს კი ნარჩენებით”- აცხადებს ქირია. გარდა საკვებისა, ზუგდიდის განსაკუთრებულ დავალებათა დეპარტამენტის მეორე სამმართველოში ანტისანიტარიის პრობლემაცაა. ეკა ქირია, რომელიც 4 წელი აქ დასუფთავების სამსახურში მუშაობდა, ამბობს, რომ სპეცრაზმელებს გაურეცხავი თეთრეულის მოხმარება უწევთ და არც შესაბამისი ტანსაცმელი აქვთ.”- განაცხადა ყოფილმა თანამშრომელმა. რაც შეეხება სამმართველოს თანამშრომლებს, ისინი კამერებთან საუბარს ერიდებიან.ანტისანიტარია და საკვების მოპარვა სამმართველოში ერთადერთი პრობლემა არ არის. აქ საწვავიც მოიპარეს, რის გამოც, პატაკის საფუძველზე 11-მა მძღოლმა სამსახური დატოვა, თუმცა მძღოლები ამ თემაზე ღიად არ საუბრობენ. დეპარტამენტის ხელმძღვანელი შოთა წიწავა აცხადებს, რომ მან ამის შესახებ არაფერი იცის, რადგან მისი თქმით, ამ თანამდებობაზე ახალი დანიშნულია, ხოლო პრობლემები, რომელზეც ყოფილი თანამშრომელი ღიად საუბრობს, მისი დირექტორობის პერიოდს არ ეხება.ზუგდიდის მეორე სამმართველოში არსებული პრობლემებით, სავარაუდოდ, გენერალური ინსპექცია უკვე დაინტერესდა