პარიზში მაღალი მოდის კვირეული იწყება.
ლეგენდარული ფრანგი დიზაინერი, ჟან პოლ გოტიე ინსტაგრამის ოფიციალურ გვერდზე წერს, რომ მიისი მომდევნო ჩვენება, რომელიც პარიზის მაღალი მოდის კვირეულზე 22 იანვარს გაიმართება, უკანასკნელიც იქნება. ახალი ჩვენებით გოტიე მოდაში მუშაობის 50 წელს აღნიშნავს და პოდიუმს სამუდამოდ დაემშვიდობება.
საკულტო დიზაინერი იუწყება, რომ მას კოლექციების წარდგენის ახალი კონცეფცია აქვს მოფიქრებული, რომელსაც მომავალში გაგვიმხელს, თუმცა მანამდე წინ 22 იანვარია , დღე, როდესაც მოდის ინდუსტრია ჟან პოლ გოტიეს 50 წლის იუბილეს იზეიმებს და ლეგენდარულ ფიგურას პოდიუმიდან გააცილებს.
გოტიეს გულშემატკივრებისთვის სიახლე ემოციური და გულდასაწყვეტია, თუმცა მოსალოდნელიც. 2014 წელს დიზაინერმა Ready-To-Wear ჩვენებების გამართვა შეწყვიტა. ცხადია, ჟან პოლის კარიერაში პოდიუმი უფრო და უფრო ნაკლებ როლს თამაშობდა, რაც ლოგიკურ დასასრულამდე მივიდა
სანამ მოდის ინდუსტრია გოტიეს გადაწყვეტილებას მტკივნეულად იღებს, ოტ კუტიურში ახალი სახელი ჩნდება – დემნა გვასალიას ბალენსიაგა.
.,, წინ სკიაპარელის, დიორის, ირის ვან ჰერპენის და სხვა ცნობილი ბრენდების ჩვენებები გველის, მაგრამ ყველასგან ყურადღების გადმოტანა და სიახლეების ეპიცენტრში მოხვედრა ბალენსიაგას და მის ქართველ შემოქმედებით ხელმძღვანელს, დემნა გვასალიას ვანდოთ”, წერს ბალენსიაგას მოდის სახლი, რომელმაც დილით გაავრცელა სიახლე გოტიეს გადაწყვეტილების შესახებ