NDI – ის კვლევის შედეგებით აფორიაქებული მამუკა მდინარაძე მიხეილ სააკაშვილის შესაძლო დარუნებისთვის თადარიგს იჭერს

0
436

,, მიხეილ სააკაშვილს საქართველოში დაბრუნების შემთხვევაში ერთადერთი შანსი აქვს – მოხვდეს აბსოლუტურად განსხვავებულ ციხეში, ვიდრე ჰქონდა მას, – ასე უპასუხა საპარლამენტო უმრავლესობის ლიდერმა მამუკა მდინარაძემ   ჟურნალისტების კითხვას, აქვს თუ არა მიხეილ სააკაშვილს ხელისუფლებაში დაბრუნების შანსი საქართველოში ჩამოსვლის შემთხვევაში.

მდინარაძის თქმით, მიხეილ სააკაშვილი სასამართლოს სამივე ინსტანციის მიერ გამტყუნებული დამნაშავეა და შეუძლია, ჩამოსვლის შემთხვევაში, ციხეში ჩაჯდეს.

„სააკაშვილს საქართველოში დაბრუნების შემთხვევაში ერთადერთი შანსი აქვს – მოხვდეს აბსოლუტურად განსხვავებულ ციხეში, ვიდრე ჰქონდა მას. ციხეში არავინ შეზღუდავს მის უფლებებს, არავინ აწამებს. მისი, როგორც პატიმრის უფლებები ზედმიწევნით იქნება დაცული და ვერანაირ პრეტენზიას ვერ განაცხადებს, როდესაც ქართულ ციხეში მოხვდება. ის არის მსჯავრდებული, სასამართლოს სამივე ინსტანციის მიერ გამტყუნებული. შეუძლია ჩამოვიდეს და ჩაჯდეს ციხეში,”- განაცხადა მდინარაძემ.

მდინარაძე ასევე გამოეხმაურა ოპოზიციის წარმომადგენლებისა და ყოფილი პრეზიდენტის  მიხეილ სააკაშვილის შეხვედრას.  თქმით, ოპოზიცია ბოლოს მაინც „ნაციონალურ მოძრაობასთან” მიდის, იმის მიუხედავად, რომ მისგან დისტანცირებას ცდილობს.

მისი თქმით, „ბოლო წლების განმავლობაში ჩვენი ოპოზიციის უდიდესი ნაწილი „ნაციონალური მოძრაობისგან” დისტანცირებას ცდილობს, თუმცა წავლენ, წამოვლენ და მაინც იქ მიდიან ხოლმე ბოლოს. ამის დასტურია ის, რომ ისინი კვლავ მიხეილ სააკაშვილთან არიან, რომელმაც ორი დღის წინ აღიარა, რომ 20 ივნისს ხელისუფლების დამხობის მცდელობას მისი ხელმძღვნელობით ჰქონდა ადგილი,”- განაცხადა მდინარაძემ.

წინა სტატიაავსტრალიაში წვიმს. წვიმის დახმარებით უკვე ლიკვიდირებულია ხანძრის 85-დან 30 კერა
შემდეგი სტატიასაქართველოში ახალი ნარკოტიკი ჯი- ეიჩ- ბი გამოჩნდა. იგი მსოფლიოში აღიარებულია, როგორც ერთ-ერთი ყველაზე საშიში ნარკოტიკი
ტელეკომპანია ოდიშის საინფორმაციო სამსახური