ახალციხის სასამართლომ ვახტანგ რობაქიძეს, რომელმაც ანრი ოხანაშვილს ბაკურიანში სიტყვიერი შეურაცხყოფა მიაყენა სამდღიანი პატიმრობა შეუფარდა.
დაკავებული ამბობს, რომ მან ოხანაშვილს გამყიდველი და ქვეყნის მოღალატე უწოდა და ამის გამო დააკავეს.
“ანრი ოხანაშვილის პირადი პატიმარი ვარ… მივმართე და ვუწოდე ქვეყნის გამყიდველი და მოღალატე და ამის გამო დარეკა პოლიციაში და დამაკავეს და მომისაჯეს სამ დღიანი პატიმრობა. არ ვიცი რატომ დარეკა პოლიციაში, ვერ აიტანა რომ ვუთხარი ქვეყნის მოღალატე ხართქო. რაც რეალურია ის ვუთხარი, მეტი არაფერი მითქვამს,” – ამბობს რობაქიძე მთავარ არხთან საუბრისას.
შეგახსენებთ, ბაკურიანში “ქართული ოცნების” დეპუტატ ანრი ოხანაშვილს ფიზიკური შეურაცხყოფა მიაყენეს.პარლამენტის წევრი, ბაკურიანის ერთ-ერთ რესტორანში, ოჯახთან ერთად ვახშმობდა, სადაც როაქიძემ მას ჯერ სიტყვიერი, შემდეგ კი ფიზიკური შეურაცხყოფა მიაყენა.საქმე 151-ე მუხლით აღიძრა, რაც მუქარას გულისხმობს. რობაქიძე ადმინისტრაციული წესით, 173-ე მუხლით, პოლიციის დაუმორჩილებლობისთვის დააკავეს.
33 წლის ვახტანგ რობაქიძე, რომელიც ბაკურიანში ანრი ოხანაშვილის შეურაცხყოფისთვისაა დაკავებული, 2012-2017 წლებში “ქართული ოცნების” ახალგაზრდული ფრთის ხელმძღვანელი იყო.
რა ურთიერთობა ჰქონდა მას ანრი ოხანაშვილთან უცნობია, სავარაუდოდ ისინი წარსულში იცნობდნენ ერთმანეთს.
რობაქიძე 2019 წლის ზესტაფონის მერის შუალედურ არჩევნებში დამოუკიდებელ კანდიდატად იყრიდა კენჭს, სადაც 5.2% აიღო. დღეს მამუკა აზარაშვილმა დაადასტურა,რომ რობაქიძე ,,ლელოს” წევრია და გადაჭრით დაგმო ძლადობის ნებისმიერი ფაქტი