ამ წუთებში დე ფაქტო პრეზიდენტის ადმინისტრაციის შენობის შესასვლელთან მობილიზებულნი არიან ე.წ. სწრაფი რეაგირების სპეცრაზმის წარმომადგენლები და ასევე ე.წ. შინაგან საქმეთა სამინისტროს თანამშრომლებიც.
საპროტესტო აქციაზე მყოფი მომიტინგეები, მხარდამჭერების მოზიდვის მიზნით, სატელეფონო ზარებს ახორციელებენ.
ოკუპირებულ სოხუმში, გუშინდელი დღიდან, ე.წ. პრეზიდენტის ადმინისტრაციასთან საპროტესტო გამოსვლები იმართება. ოპოზიციის წარმომადგენლები ე.წ. პრეზიდენტის გადადგომას ითხოვენ.
ღამით, ე.წ. პარლამენტმა სახელმწიფოს მეთაურს ნებაყოფლობით გადაყენების წინადადებით მიმართა.