„დირექტორების, პედაგოგების გამოყენება პოლიტიკური მიზნით არ არის გამართლებული და ამან პრაქტიკაში არასდროს გაამართლა და ამჯერადაც არ გაამართლებს, მითუმეტეს ეს მიუღებელია მას შემდეგ, რაც მსგავსმა ქმედებებმა გამოიწვია ია კერზაიას გარდაცვალება“ – განაცხადა ჯვარის მე-4 საჯარო სკოლის დირექტორმა გერონტი გოგოხიამ ტელეკომპანია „ოდიშის“ ეთერში, გადაცემა „რეალობაში“.
„დირექტორების, პედაგოგების გამოყენება პოლიტიკური მიზნით არ არის გამართლებული და ამან პრაქტიკაში არასდროს გაამართლა და ამჯერადაც არ გაამართლებს, ამაში დარწმუნებული ვარ. ამიტომაც ლოგიკური იყო ჩემი საქციელი მემგონი“…
14 დეკემბერს თბილისში „ქართული ოცნების“ მიერ დაგეგმილ აქციაზე გოგოხიას თქმით მას უცნობი პირი დაუკავშირდა და აქციაზე წასვლა მოსთხოვა, რაზეც დირექტორმა უარი განაცხადა. მან ასევე ისაუბრა 2018 წლის საპრეზიდენტო არჩევნების დროს ზეწოლაზე და განაცხადა, რომ მას აიძულებდნენ ოპოზიციურად განწყობილი პედაგოგების სიის შედგენას. მისივე თქმით, ის გააფრთხილეს რომ იყო „შავ სიაში“ და ახლა უნდა ემუშავა ხელისუფლების სასარგებლოდ. სკოლის ხელმძღვანელი აგრეთვე ადასტურებს, რომ ხელისუფლების წარმომადგენლები მასზე პერიოდულად ახდენენ ზეწოლას პოლიტიკური ნიშნით და აიძულებენ იმუშაოს ხელისუფლების სასარგებლოდ