მარტვილში მომხდარ მკვლელობაში ბრალდებულს აღკვეთის ღონისძიების სახით პატიმრობა შეეფარდა. მოსამართლემ პროკურატურის შუამდგომლობა დააკმაყოფილა და საქმის არსებით განხილვამდე ჯემალ ნაჭყებია წინასწარ პატიმრობაში დატოვა.
პროკურორ ლევან ფიფიას განმარტებით, არსებობს მიმალვის, მტკიცებულებების განადგურებისა და ახალი დანაშაულის ჩადენის საფრთხეები.
თავად დაკავებულმა პროცესზე თქვა, რომ ბრალს ნაწილობრივ აღიარებს. მისი თქმით, მომხდარი განზრახ მკვლელობა არ ყოფილა და ის თავს იცავდა.
დაცვის მხარემ ბრალდებულისთვის აღკვეთის ღონისძიების სახით 10 000 ლარიანი გირაოს შეფარდების შუამდგომლობა დააყენა. მარტვილში, განზრახ მკვლელობის ბრალდებით ჯემალ ნაჭყებია 8 იანვარს, გამთენიისას დააკავეს.