ზუგდიდში, თაბუკაშვილის ქუჩაზე მცხოვრები დევნილები კანალიზაციის პრობლემას უჩივიან და ხელისუფლებას უყურადღებობაში ადანაშაულებენ. დევნილები ამბობენ, რომ ეზოში ანტისანიტარია უკვე წლებია არსებობს და პრობლემის მოგვარება არ ხდება.
სამეგრელო-ზემო სვანეთის გუბერნატორის მოადგილე დავით ფარცვანიას თქმით, მხოლოდ ერთი კორპუსია დარჩენილი, რომლის პროექტირებაც მიმდინარეობს და უახლოეს პერიოდში მოგვარდება, რაც შეეხება, კომპანიის პასუხისმგებლობის საკითხს, რომელმაც 4 წლის წინ ეს სამუშაოები შეასრულა, ფარცვანიას თქმით, ეს გადახედვის საკითხია.
შეგახსენებთ, რომ დევნილთა დასახლებაში პრობლემა ჩასახლების დღიდან არსებობს, დევნილების თქმით, 4 წელია საკანალიზაციო სისტემა მოუწესრიგებელია.