მარტვილის მუნიციპალიტეტის სოფელ ტალერში 39 წლის რაჯი ბერულავა მოკლეს. შემთხვევა 7იანვარს, შობის ღამეს მოხდა. არსებული ინფორმაციით, მკვლელობა სუფრასთან ურთიერთშელაპარაკებას მოყვა. შობის აღსანიშნავად შეკრებილები ჯამბულ ნაჭყებიას ოჯახში იმყოფებოდნენ. როგორც სოფელში ყვებიან, ნაჭყებია და ბერულავა შორეული ნათესავები არიან, რა გახდა კონკრეტულად მკვლელობის მიზეზი, უცნობია. ჩვენი ინფორმაციით, ნაჭყებია პოლიციამ ცხელ კვალზე დააკავა. მომხდარზე გამოძიება 108-ე, განზრახ მკვლელობის მუხლით მიმდინარეობს.