გორში საკრებულოს შენობასთან, სადაც საშობაო ღონისძიება იმართება, პრეზიდენტ სალომე ზურაბიშვილს შეძახილებით დახვდნენ.
„მონა, მონა“- სკანდირებდნენ გორის საკრებულოს ოპოზიციონერი დეპუტატები.
პრეზიდენტის მისვლამდე ადგილი ჰქონდა კიდევ ერთ მცირე ინციდენტს, რომელიც პოლიციასა და აქციის მონაწილეებს შორის მოხდა. კერძოდ, ვითარება მაშინ დაიძაბა, როცა ოპოზიციის წევრებმა საკრებულოს შენობასთან მისვლა სცადეს, მათ პოლიციელებმა ცოცხალი ჯაჭვის მეშვეობით ამის საშუალება არ მისცეს.
გორში საკრებულოს შენობასთან, სადაც სალომე ზურაბიშვილის სიტყვით გამოსვლაა დაგეგმილი, ოპოზიციის წარმომადგენლებსა და პოლიციას შორის სიტყვიერი დაპირისპირება მოხდა.
ადგილზე ოპოზიცია აქციას მართავდა, ვითარება კი მას შემდეგ დაიძაბა, რაც ოპოზიციის წევრებმა საკრებულოს შენობასთან მისვლა სცადეს. პოლიციამ ისინი ცოცხალი ჯაჭვის მეშვეობით შეაჩერა.
ოპოზიციის წევრები ითხოვენ პოლიციამ მათ დაუსახელოს კანონი, რის საფუძველზე უკრძალავს გადაადგილებას და „რა საფრთხეს გრძნობს მათგან“.
„მოიქეცით კანონის საფუძველზე, კონსტიტუციაზე მაღალი კანონი არ არსებობს,“- მიმართა მათ დეპუტატმა.
ამ დროისთვის მოედანზე საზეიმო ღონისძიება უკვე დაიწყო და სცენა გამომსვლელებმა დაიკავეს, სცენასთან იმყოფება საქართველოს პრეზიდენტიც. აქციის მონაწილეებთან კი პოლიციაა მობილიზებული.