ცოტნე გამსახურდია მკურნალობას სტამბოლში განაგრძობს. ის თურქეთში თვითმფრინავით გადაიყვანეს და სტამბოლის ერთ-ერთ ამერიკულ კლინიკაში განათავსეს.
ცოტნე გამსახურდიას მეუღლის ანა ჯაბაურის თქმით, ცოტნე გამსახურდიას ჯანმრთელობის მდგომარეობა კვლავ სტაბილურად მძიმეა, თუმცა არსებობს ოპტიმისტური განწყობის საფუძველი.
„ცოტნე უკვე გადაყვანილია და მეც მივფრინავ ორ დღეში. სტამბოლშია ამერიკული კლინიკა, საკმაოდ კარგი. თურქი ექიმები იყვნენ მოსულები, შეაფასეს მდგომარეობა და დღის პირველ ნახევარში გადაიყვანეს. მათითქმით არანაირი ქირურგიული ოპერაციის ჩატარება ჯერჯერობით საჭირო არ არის. სტამბოლში მას დამატებითი, სხვადასხვა სახის გამოკვლევა ჩაუტარდება, სანამ მე ჩავალ პორგნოზები დამხვდება“, – განაცხადა ანა ჯაბაურმა.
პირველი პრეზიდენტის შვილი 19 დეკემბერს, ვერაზე, თავის სახლთან დაჭრეს. მისი მდგომარეობა ამ დრომდე მძიმეა. ცოტნე გამსახურდიას მკვლელობის საქმეზე პოლიციამ 5 ადამიანი 20 დეკემბერს დააკავა. 22 დეკემბერს სასამართლომ ცოტნე გამსახურდიას საქმეზე 4 დაკავებულს პატიმრობა შეუფარდა, 1 კი სხდომათა დარბაზიდან გაათავისუფლა.