მთავარ არხს ახალი მეწილე ყავს. სექტემბერში გახსნილი ტელევიზიის ახალი თანამფლობელი ტელეკომპანია საქართველოს დირექტორი, ნიკოლოზ სისაურია. “საქართველოს” მფლობელები თავის მხრივ, ძმები ყარამანიშვილები არიან.
საჯარო რეესტრში რეგისტრირებული ცვლილების მიხედვით, ნიკოლოზ სისაური ტელევიზიის 3%-იანი წილის მფლობელი გახდა. წილი სისაურმა 3 ათას ლარად და საწესდებო კაპიტალში 300 ათასი ლარის ვალდებულებით შეიძინა.
ამ დროისთვის მთავარ არხს 6 მეწილე ყავს, მათ შორის არიან გიორგი და ანა მარია რურუები 2,5%-2,5%, ნიკოლოზ სისაური – 3%, საქართველოს უნივერსიტეტი – 2%, კახაბერ ანჯაფარიძე – 39% და ნიკა გვარამია – 51%.
თავდაპირველად მთავარი არხის 100%-იანი წილი მხოლოდ ნიკა გვარამიასა და კახაბერ ანჯაფარიძეს ეკუთვნოდათ. საკონტროლო პაკეტს მაშინაც ნიკა გვარამია ფლობდა, ხოლო ანჯაფარიძის საწყისი წილი 49%-ს შეადგენდა.
წილის შემდგომი გასხვისებები უკლებლივ ყველა შემთხვევაში კახა ანჯაფარიძის საკუთრებიდან ხდებოდა.