ბიძინა ივანიშვილის კუთვნილი თანაინვესტირების ფონდი მის მფლობელებაში არსებული რამდენიმე პროექტის გაყიდვას გეგმავს. გასაყიდი აქტივების სიაში მოხვდა გალერია თბილისი და სასტუმრო პარაგრაფი შეკვეთილში.
როგორც ტაბულას ფონდის პრესსამსახურში განუცხადეს, გალერია თბილისის ფასი 130 მილიონი დოლარია, ხოლო სასტუმრო პარაგრაფის – 60 მილიონი. ფონდში ამბობენ, რომ ორივე პროექტის გარშემო დაინტერესება მაღალია და მოლაპარაკებები მიმდინარეობს როგორც იმ კომპანიებთან, რომლებიც საქართველოში მუშაობენ, ასევე მათთან – ვისაც საქართველოში ჯერ არ უმუშავიათ.
ფონდის აღმასრულებელი დირექტორის, ცოტნე ებრალიძის ცნობით, 2020 წელს სხვადასხვა პროექტიდან გასვლა ფონდის ერთერთი პრიორიტეტი იქნება. საზოგადოებრივი მაუწყებლის ეთერში ებრალიძემ განაცხადა, რომ ფონდის კუთვნილი სასტუმრო კომპლექსი თავისუფლების მოედანზე 2020 წლის შემოდგომაზე გაიხსნება.
თანაინვესტირების ფონდის საინვესტიციო პორტფელი 700 მილიონ დოლარს აღემატება.თემები: